企業熱話——支持本土設計 著件氣氛衫過好年

企業熱話——支持本土設計 著件氣氛衫過好年

灣仔灣景中心中藝店內嘅SPARKLE by KAREN CHAN參與VIP邀請會,巧遇商務及經濟發展局副局長陳百里(圖左)同埋品牌創辦人Karen Chan(圖右),其間Karen仲同小弟介紹好襯過年氣氛嘅型格唐裝系列,佢一啲都唔老土,啲pattern仲好有活力!而且由而家至呢個月28號有賀年優惠,買指定摩登唐裝系列產品有獨家優惠,如果買指定產品系列仲低至半價,買件喜氣衫過年,或者買條靚pattern設計絲巾送畀sweetie,真係啱晒!

講返呢個品牌THE SPARKLE COLLECTION係由KAREN CHAN創辦,Karen喺香港出世同長大,又喺美國學習同生活咗15年,所以對中西方文化都十分熟悉,鐘意將東西方元素融入喺設計裏面,好似品牌嘅唐裝,便利用數碼印花技術,將抽象圖案印喺真絲上面,而且最值得驕傲嘅係由衫到紐扣都完全支持香港製造,因為佢相信香港製造一直被國際視為高品質及可信賴嘅品牌,望落啲線步及紐扣又真係好細緻!而啲pattern望多兩眼,又真係好有香港情懷味道!

 

Media: 頭條日報
Link: https://bit.ly/3sallcZ