商界講呢啲——創意無限型格長衫

好有style嘅品牌SPARKLE COLLECTION及 SPARKLE by KAREN CHAN，有2022年全新「新派華服」推出，包括SPARKLE by KAREN CHAN：Neon City Collection《霓虹之城》系列、SPARKLE COLLECTION：Denim Cheongsam Collection《潮尚牛仔》系列、「Next In Cheongsam」Young Designer Challenge Collection：《未來長衫》系列，想率先睇靚衫？咪係喺9月10至2號、一年一度由香港貿易發展局及Vogue Hong Kong主辦嘅CENTRESTAGE（香港國際時尚匯展），到時共展出54套設計獨特而破格嘅新派華服，兼且仲有13套由HKDI學生或畢業生設計及縫製嘅「未來長衫」。話時話SPARKLE COLLECTION 今年第二屆聯乘香港知專設計學院（HKDI）舉辦咗「Next In Cheongsam」Young Designer Challenge，仲會喺11號誕生冠、亞、季軍，小妹上過呢個活動嘅「我最喜愛NEXT IN CGEONGSAM 2021」全民投票網頁(https://sparklecollection.co/pages/next-in-cheongsam-2021-polling)，啲設計真係好有創意，你都可以上去睇吓支持兼鍾意邊款設計！再畀個貼士大家，SPARKLE COLLECTION會喺今個9月，銅鑼灣Fashion Walk開設品牌首間官方零售店，密切留意！